Raat sapnay bun rahi thi
tang galiyaroon se guzarti
pehli kiran ki
wo pratiksha kar rahi thi
Kuch gadraai si madmast behti
chanchal si wo hawa
anmani kuch ansuni
apni kahani keh rahi thi
wo pratiksha kar rahi thi.
Thi nami baaki abhi
ek kor geela ab bhi tha
kuch boond cheetein beh rahi thi
wo pratiksha kar rahi thi
Sang koi sath naa tha
rang koi paas naa tha
man hi man me
kuch ufanati
jang koi kar rahi thi
wo pratiksha kar rahi thi
kya ghata ab haath kya tha
thi ghata par saath kya tha
mand hoti makrand saasein
oonghti anmani saasein
klant usko kar rahi thi
Wo pratiksha kar rahi thi.
Kyu karu aur kya karu main
kar chama fir kyu haru main
majhdhaar ki pralobhna me
wo bikharti
tootkar fir jud rahi thi
wo pratiksha kar rahi thi.
fir raat ne chadar sameti
ek rang ne dastak si di ..............................
Kya hua itihaas wo hai
kyu hua parihaas wo hai
hum hue bas bhaas ye hai
hum rahen bas paas ye hai.
